“மனிதர் இல்லாத ப்ரோக்ராம் கோடிங் ஆரம்பமாகிவிட்டது!” சாப்ட் பாங்க் நிறுவனர் மசாயோஷி சோன் தெரிவித்துள்ளார்.
பல்வேறு தொழில்நுட்ப மாற்றங்களை தந்த SoftBank நிறுவனம், இப்போது தொழிலாளர்களில்லாத தொழில்நுட்ப உலகை நோக்கி பயணிக்கத் தயாராகியுள்ளது. அதன் நிறுவனர் மற்றும் தலைவரான மசாயோஷி சோன் சமீபத்தில் நடந்த வருடாந்த பொதுக்குழுக் கூட்டத்தில் கூறியதாவது:
“மனித ப்ரோக்ராம் கோடர்கள் காலம் முடிவுக்கு வரக்கூடிய நிலையில் உள்ளது. இனி தொழில்நுட்ப வளர்ச்சியில் முக்கிய பங்கு வகிப்பது செயற்கை நுண்ணறிவாகும்!”
ஒரு ஊழியருக்கே 1,000 AI உதவியாளர்கள்!
சோனின் திட்டத்தின்படி, எதிர்காலத்தில் ஒவ்வொரு மனித ஊழியருக்கும் 1,000 AI ஏஜெண்ட்கள் உதவியாளர்களாக இருப்பார்கள். இவர்கள் 24 மணி நேரமும் – திட்டமிடல், பேச்சுவார்த்தை, நிரலாக்கம், முடிவெடுத்தல் என அனைத்து பணி செயல்களையும் சுயமாக செயற்படுத்தும் திறனுடையவர்களாக இருக்க வேண்டும்.
சோன் இதை “ஆயிரம் கைகளுடைய பொறியாளர்” எனக் குறிப்பிடுகிறார். இது ஒரு அதிநவீன கற்பனை அல்ல, SoftBank இன் 2025 இறுதிக்குள் 1 பில்லியன் (100 கோடி) AI ஏஜெண்ட்களை உருவாக்கும் திட்டத்தின் பகுதி!
AI ஹாலுசினேஷன் ஒரு குறுகியகால சிக்கல் மட்டுமே!
செயற்கை நுண்ணறிவில் காணப்படும் தவறான விவரங்கள் (hallucinations) குறித்து எழுந்த கேள்விக்குப் பதிலளித்த சோன்,
“இது ஒரு தற்காலிக பிரச்சனை. AI இப்போது மிகவும் வேகமாக வளர்கிறது. விரைவில் இது மாறும்.”
என்றார்.
உலகம் எங்கே போகிறது?
🔸 கடந்த மாதம், OpenAI மற்றும் Google DeepMind நிறுவனங்களும் இத்தகைய பல AI-ஏஜெண்ட்கள் குறித்து ஆராய்ச்சி செய்து வருகின்றன.
🔸 Elon Musk தனது xAI நிறுவனம் மூலம், மனித புத்தியை மிஞ்சும் AGI (Artificial General Intelligence) உருவாக்கும் கனவில் ஈடுபட்டிருக்கிறார்.
🔸 Meta நிறுவனமும் அதிக அளவில் LLM (Large Language Models) ஏஜெண்ட்களை இயக்கும் திட்டத்தில் செயல்படுகிறது.
தொழிலாளர்கள் திணற வேண்டுமா?
இந்த மாற்றம் வேலைவாய்ப்பில் பெரிய தாக்கத்தை ஏற்படுத்தும் என்பதில் சந்தேகம் இல்லை. ஆனால் சோனின் பார்வையில், மனிதர்கள் புதிய AI சூழலுக்கு ஏற்ப புதிய தகுதிகளைக் கற்றுக்கொள்ள வேண்டும் என்பதே தந்தி.
இது தொழில்நுட்பத்தை சார்ந்த நிறுவனங்கள், Start-Up பில்டர்கள் மற்றும் தொழில்முனைவோர்கள் அனைவருக்கும் எதிர்கால வேலைமுறைகளைப் பற்றி மீண்டும் சிந்திக்க வைக்கும்.
