2026-ம் ஆண்டு பிறந்துள்ள நிலையில், இந்தியர்களின் அன்றாட நிதி சார்ந்த பரிவர்த்தனைகளில் பல்வேறு முக்கிய மாற்றங்கள் அமலுக்கு வருகின்றன. வங்கி கணக்கு, பிஎஃப் (PF) சேமிப்பு மற்றும் டிஜிட்டல் பரிவர்த்தனைகள் எனப் பல துறைகளில் ஏற்படவுள்ள இந்த மாற்றங்கள் உங்கள் நிதி நிர்வாகத்தை எளிதாக்கப் போகின்றன.
பிஎஃப் (PF) பணத்தை ஏடிஎம் மூலம் எடுக்கும் புதிய வசதி
இதுவரை பிஎஃப் கணக்கிலிருந்து பணம் எடுக்க வேண்டும் என்றால், இணையதளம் வழியாக விண்ணப்பித்து அதிகாரிகள் அனுமதி தரக் காத்திருக்க வேண்டும். ஆனால், 2026-ம் ஆண்டு முதல் அவசரத் தேவைகளுக்காக உங்கள் பிஎஃப் பணத்தை ஏடிஎம் (ATM) மூலமாகவே எளிதாக எடுக்கும் புதிய நடைமுறை அறிமுகமாகிறது. இதன் மூலம் 15 நாட்கள் வரை காத்திருக்க வேண்டிய நிலை மாறி, இனி உடனடியாகப் பணத்தைப் பெற முடியும்.
கட்டாய KYC மற்றும் கூடுதல் பாதுகாப்பு நடைமுறைகள்
வங்கிகளில் கணக்கு வைத்திருப்பவர்கள் 2026 முதல் ஆண்டுக்கு ஒருமுறை ‘கேஒய்சி’ (KYC) அப்டேட் செய்வது கட்டாயமாக்கப்படுகிறது. இதைச் செய்யத் தவறினால் வங்கி கணக்கு முடக்கப்பட வாய்ப்புள்ளது. அதேபோல் ஆன்லைன் மோசடிகளைத் தவிர்க்க, அனைத்து டிஜிட்டல் பரிவர்த்தனைகளுக்கும் கடவுச்சொல்லுடன் (Password) கூடுதலாக ஓடிபி (OTP) உள்ளீடு செய்யும் ‘டூ ஸ்டெப் வெரிஃபிகேஷன்’ முறை அமலாகிறது. மேலும், மத்திய அரசின் அனைத்து நலத்திட்டங்களையும் ஒரே தளத்தில் அறிந்துகொள்ளும் வசதியும், வீடுகளில் ஸ்மார்ட் மீட்டர் பொருத்தும் பணியும் இந்த ஆண்டில் தீவிரப்படுத்தப்படும்.
2026-ல் அதிரடி மாற்றங்கள்: ஏடிஎம்மில் பிஎஃப் பணம் முதல் வங்கி விதிமுறைகள் வரை!
