பொருளாதாரம்

தங்கத்தை போலவே வெள்ளியையும் அடகு வைக்கலாம் - RBI முக்கிய அறிவிப்பு!

Apr 01, 2026 • 01 Apr 2026 • 0 Views

நாடு முழுவதும் ஏப்ரல் 1 முதல் வெள்ளியின் மீது கடன் பெறும் முறை தொடங்குகிறது. இது குறிப்பாக சிறு வியாபாரிகள், இல்லத்தரசிகள் மற்றும் அவசரமாகப் பணம் தேவைப்படுபவர்களுக்குப் பெரும் உதவியாக இருக்கும் என்று எதிர்பார்க்கப்படுகிறது.

வெள்ளி கடன் (Silver Loan) என்றால் என்ன? வெள்ளியின் மீதான கடன் என்பது உங்கள் வெள்ளி நகைகள் அல்லது பொருட்களை அடகு வைத்துப் பணம் பெறும் ஒரு வழியாகும். இதுவரை, வங்கிகள் மற்றும் நிதி நிறுவனங்கள் தங்கத்திற்கு கடன்களை வழங்கி வந்த நிலையில், தற்போது வெள்ளிக்கும் கடன் வழங்கும் வசதி விரிவுபடுத்தப்படுகிறது.

இந்திய ரிசர்வ் வங்கியின் புதிய நிதி விதிமுறைகளின்படி, ஏப்ரல் 1 முதல் வங்கிகள் மற்றும் வங்கி சாரா நிதி நிறுவனங்கள் (NBFCs) வெள்ளியின் மீது கடன் வழங்க அனுமதிக்கப்படும்.

வெள்ளியின் மீது எவ்வளவு கடன் பெறலாம்? மணி கண்ட்ரோல் (Moneycontrol) தெரிவித்துள்ளபடி, நகைகளாக இருந்தால் 10 கிலோ வரையிலும், நாணயங்களாக இருந்தால் 500 கிராம் வரையும் வெள்ளியை அடமானம் வைக்க அனுமதிக்கப்படுகிறது. அதிலும், 2 லட்சத்து 50 ஆயிரம் ரூபாய் வரையிலான கடன்களுக்கு வெள்ளியின் மதிப்பில் 85 சதவீதம் வரையும், 5 லட்ச ரூபாய்க்கு மேல் உள்ள கடன்களுக்கு 75 சதவீதம் வரையும் கடன் வழங்கப்படும்.

வெள்ளியின் மீது கடன் பெற விரும்புவோர் தங்களது ஆதார் அட்டை, பான் அட்டை மற்றும் முகவரிச் சான்றைச் சமர்ப்பிக்க வேண்டும். அதுமட்டுமின்றி, கடன் வழங்குவதற்கு முன்பு வங்கி அதிகாரிகள் வெள்ளியின் தூய்மையையும் சரிபார்ப்பார்கள். இந்த நிலையில், பொதுவாக 999 தூய்மையான வெள்ளிக் கட்டிகள் அல்லது பழைய வெள்ளி நகைகள் ஏற்றுக்கொள்ளப்படுகின்றன.

டிஜிட்டல் வெள்ளிக்கும் கடன் உண்டா? தற்போது மக்கள் டிஜிட்டல் வடிவத்திலும் வெள்ளியை வாங்குகிறார்கள். எனவே, எதிர்காலத்தில் வெள்ளி ETF-கள் அல்லது டிஜிட்டல் வெள்ளியை வைத்திருப்பவர்களுக்கும் இதுபோன்ற கடன் வசதிகள் நீட்டிக்கப்படும் என்று எதிர்பார்க்கப்படுகிறது.

மத்திய கிழக்கு போர் பதற்றம்: அடானி டோட்டல் கேஸ் விலை உயர்...

வெறும் தோசை, பிரியாணி கடைகள் மட்டும் மூடப்படவில்லை; AI வ...