பொருளாதாரம்

இந்தியாவில் குறைந்து வரும் கிரெடிட் கார்டு மவுசு: இதெல்லாம் தான் காரணமாம்!

Jul 08, 2026 • 08 Jul 2026 • 0 Views

மற்ற நாடுகளில் கிரெடிட் கார்டு பயன்பாட்டாளர்களின் எண்ணிக்கை அதிகமாக இருக்கும் நிலையில் இந்தியாவில் மட்டும் மிக குறைவாக உள்ளது. குறிப்பாக கடந்தாண்டை விட இந்தாண்டு இந்தியாவில் கிரெடிட் கார்டு மவுசு பெருமளவில் சரிந்துள்ளது. அதற்கான காரணம் என்ன ? என்பதை தற்போது பார்க்கலாம்

இந்தியாவில் நாளுக்கு நாள் கிரெடிட் கார்டு பயன்படுத்துபவர்களின் எண்ணிக்கை குறைந்து கொண்டு தான் வருகின்றது. எப்போதுமே மற்ற நாடுகளை ஒப்பிடும்போது இந்தியர்கள் மிக குறைவாக தான் கிரெடிட் கார்டை பயன்படுத்தி வருகின்றனர். ஆனால் கடந்தாண்டை விட இந்தாண்டு கிரெடிட் கார்டு பயன்படுத்துபவர்களின் எண்ணிக்கை சரிந்துள்ளது. மற்ற நாடுகளை ஒப்பிடும்போது இன்றளவும் இந்தியாவில் கிரெடிட் கார்டு பயன்பாடு குறைவாகவே இருப்பதாக CIBIL அமைப்பு சொல்கின்றது

குறைவு
இந்தியாவில் கடன் வாங்க தொகுதியுள்ள 25 கோடி மக்களில் வெறும் 5 கோடி மக்கள் தான் கிரெடிட் கார்டை பயன்படுத்தி வருகிறார்களாம். இன்னும் குறிப்பாக சொல்லப்போனால் இந்தியாவில் கடன் வாங்க தொகுதியுள்ளவர்களில் 25 % பேரிடம் மட்டும் தான் கிரெடிட் கார்டு உள்ளதாம். இதுவே அமெரிக்காவில் கடன் வாங்க தொகுதியுள்ள 81 % கிரெடிட் கார்டு பயன்படுத்தி வருகின்றனர். இதே போல பிற நாடுகளிலும் கிரெடிட் கார்டு பயன்படுத்துபவர்களின் எண்ணிக்கை இந்தியாவை விட பல மடங்கு அதிகமாகவே உள்ளது

காரணம் என்ன ?
மக்கள் தற்போது கிரெடிட் கார்டை விட எளிதாக கிடைக்கும் பர்சனல் லோன்கள், UPI என இந்த வழியில் சென்றுவிட்டனர். அதன் காரணமாக தான் இந்தியாவில் கிரெடிட் கார்டு பயன்பாட்டாளர்களின் எண்ணிக்கை குறைந்து இருக்கின்றது

புதியவர்களின் எண்ணிக்கையும் சரிவு
கிரெடிட் கார்டு பயன்படுத்துபவர்களின் எண்ணிக்கை மட்டுமல்லாமல் புதிதாக கிரெடிட் கார்டு வாங்குபவர்களின் எண்ணிக்கையும் கணிசமாக குறைந்துவிட்டது. கடந்தாண்டு புதிதாக கிரெடிட் கார்டு வாங்கியவர்களில் 26 % பேர் முதல்முறையாக கடன் வாங்குபவர்களாக இருந்தனர். ஆனால் இந்தாண்டு வெறும் 8 % பேர் தான் வாங்கியுள்ளனர். இதன் மூலம் ஏற்கனவே கார்டு வைத்திருப்பவர்களே தான் வேறு கார்டகளை வாங்கியிருக்கின்றார்களே தவிர புதிதாக கார்டு வாங்குபவர்களின் எண்ணிக்கை பலமடங்கு குறைந்துவிட்டது

இந்நிலையில் மக்கள் தற்போது கிரெடிட் கார்டை வைத்துக்கொண்டு செல்வதை காட்டிலும் மிக எளிய முறையில் UPI மூலம் தான் பணம் செலுத்த விரும்புகின்றனர். எனவே தான் கிரெடிட் கார்டு பயன்பாட்டாளர்களின் எண்ணிக்கை இந்தியாவில் குறைந்துவிட்டதாக தெரிகின்றது. ஒட்டுமொத்தத்தில் UPI யின் ஆதிக்கத்தின் காரணமாகவே தான் இந்தியாவில் கிரெடிட் கார்டு மவுசு மிகப்பெரிய அளவில் குறைந்துவிட்டதாக சொல்லப்படுகின்றது

புதிய அப்டேட்டை வெளியிட தயாராகும் மத்திய அரசு..... பெட்ரோ...

சரசரவென உயர்ந்த முட்டை விலை.. பொதுமக்கள் அதிர்ச்சி.. ஒரு ...