வருமான வரி

ITR Filing 2026 : வருமான வரி தாக்கல் செய்பவர்கள் தவிர்க்க வேண்டிய ஆறு முக்கிய தவறுகள்

Jul 02, 2026 • 02 Jul 2026 • 0 Views

ஜூலை 31 ஆம் தேதி தான் வருமான வரி தாக்கல் செய்யும் கடைசி நாளாகும். எனவே சம்பளம் வாங்குபவர்கள் வருமான வரியை தாக்கல் செய்யும்போது செய்யவே கூடாத ஆறு முக்கியமான தவறுகள் என்னென்ன என்பதை தற்போது பார்க்கலாம்

வருமான வரி தாக்கல் செய்யும் நாள் நெருங்கிக்கொண்டு இருக்கின்றது. ஜூலை 31 ஆம் தேதி வரை வருமான வரி தாக்கல் செய்யலாம் என்ற நிலையில் அவ்வாறு தாக்கல் செய்பவர்கள் செய்யக்கூடாத ஆறு முக்கிய தவறுகள் என்ன என்பதை தான் இந்த தொகுப்பில் நாம் பார்க்க இருக்கின்றோம்

உரிய நேரத்தில் தாக்கல் செய்தல்:
சம்பளம் வாங்குபவர்கள் உரிய நேரத்தில் வருமான வரியை தாக்கல் செய்ய வேண்டும். வருமான வரியை தாக்கல் செய்ய ஜூலை 31 ஆம் தேதி தான் கடைசி நாளாகும். ஆனால் அதுவரை காத்திருக்காமல் விரைவில் தாக்கல் செய்வது நல்லது. ஏனென்றால் ஜூலை 31 ஆம் தேதிக்குள் வருமான வரியை செலுத்தவில்லை என்றால் உங்களால் பழைய வரி முறையை தேர்வு செய்ய முடியாது

சரியான படிவத்தை தேர்வு செய்வது:
வருமான வரியை தாக்கல் செய்ய பல படிவங்கள் இருக்கும். ITR -1, ITR -2 என பல படிவங்கள் இருக்கும் நிலையில் அதை நாம் சரியாக தேர்வு செய்யவேண்டியது அவசியம். சம்பளம் மட்டும் வாங்குபவர்கள் ITR -1 படிவத்தை தேர்வு செய்யலாம். ஆனால் வெளிநாட்டி நிறுவனங்களில் பங்கு வைத்திருப்பவர்கள், முதலீட்டாளர்கள் ,நிறுவனங்களின் இயக்குனர்கள் போன்றவர்கள் கட்டாயம் ITR -2 படிவத்தை தான் தேர்வு செய்ய வேண்டும்

லாபகரமான வரைமுறை:
வருமான வரியை தாக்கல் செய்ய பழையது மற்றும் புதியது என இரண்டு முறைகள் இருக்கும். அதில் எந்த முறை லாபத்தை ஈட்டி தருகிறதோ அதை தேர்வு செய்ய வேண்டும். சேமிப்புகள் மூலம் எட்டு லட்சம் ரூபாய்க்கு மேல் வரி விளக்கு காட்ட வழி இருந்தால் மட்டுமே தான் உங்களுக்கு பழைய முறை லாபகரமாக இருக்கும். அப்படி இல்லையென்றால் புதிய முறையை தான் தேர்வு செய்ய வேண்டும்

இதை மட்டும் நம்ப வேண்டாம்:
வருமானவரித்துறை இணையத்தில் உங்களுடைய பண பரிவர்த்தனைகளை காட்டுவதற்கு AIS என்ற கணக்கு விவரங்கள் இருக்கும். சில நேரங்களில் இந்த AIS கணக்கில் துல்லியமான விவரங்கள் காட்டப்படாமல் இருக்கலாம். எனவே இதை முழுமையாக நம்ப வேண்டாம். நீங்களாகவே உங்களுடைய வருமானத்தை கணக்கீட்டுக்கொள்ள வேண்டும். வேண்டுமானால் நீங்கள் கணக்கிட்ட வருமானத்தை AIS வைத்து சரிபார்த்து கொள்ளலாம்

வேலை மாறினால் ?
நீங்கள் கடந்த நிதியாண்டில் வேறு வேலைக்கு மாறியிருந்தால் பழைய வேலைக்கான சம்பளத்தையும் புதிய வேலையில் வாங்கும் சம்பளத்தையும் இரண்டையும் சேர்த்து தான் கணக்கு காட்ட வேண்டும். ஒரு சிலர் புதிதாக வேலை செய்து வரும் நிறுவனங்களின் FORM -16 வைத்து மட்டும் கணக்கு காட்டுகின்றனர். பழைய சம்பளத்தை கணக்கில் காட்ட மறந்துவிடுகின்றனர். அவ்வாறு செய்ய கூடாது

முதலீடுகள்:
க்ரிப்டோ மற்றும் டிஜிட்டல் சொத்துக்களில் முதலீடு செய்திருந்தால் அதற்கு தனியான 30 %நேரடி வரி கட்ட வேண்டும்.

மேல்கண்ட ஆறு விஷயங்களையும் சரி பார்த்து இதுபோன்ற தவறுகளை செய்யாமல் வருமான வரியை ஜூலை 31 ஆம் தேதிக்குள் தாக்கல் செய்ய வேண்டும்

ITR 2026 FAQ: விதிகள், காலக்கெடு மற்றும் சந்தேகங்களுக்கான...