உலக வர்த்தகம்

ஈரான் போரின் தாக்கம் - உயரும் செம்பு (Copper) விலை....

Apr 01, 2026 • 01 Apr 2026 • 0 Views

மத்திய கிழக்கில் போரை முடிவுக்குக் கொண்டுவருவதற்கான எந்த நடவடிக்கையும் பயன் அளிக்கவில்லை. இதன் காரணமாக உலகளாவிய வளர்ச்சியில் ஏற்படும் மந்தநிலையைத் தடுக்கும் என்ற நம்பிக்கையின் காரணமாக, வெள்ளிக்கிழமையன்று செம்பு (copper) விலை உயர்ந்தது. மேலும் இந்த மாதத்தில் அதன் முதல் வாராந்திர உயர்வை நோக்கிச் சென்றுள்ளது.

ஒரு உடன்பாட்டை எட்டுவதற்கு அல்லது மேலும் தாக்குதல்களை எதிர்கொள்வதற்கு ஈரானுக்கு விதிக்கப்பட்ட காலக்கெடுவை அதிபர் டொனால்ட் டிரம்ப் ஒத்திவைத்தார். இருப்பினும், வாஷிங்டன் யாருடன் பேச்சுவார்த்தை நடத்துகிறது என்பது இன்னும் தெளிவாகத் தெரியவில்லை. மேலும் மத்திய கிழக்குக்கு கூடுதலாக 10,000 துருப்புக்களை அனுப்புவது குறித்து அமெரிக்கா பரிசீலித்து வருவதாக தகவல்கள் வெளியாகி உள்ளன.

இந்த மோதல் காரணமாக பணவீக்கம் அதிகரிக்கும் என எதிரொபார்க்கப்படுகிறது. உலகளாவிய வளர்ச்சியை மெதுவாக்கும் என்ற எதிர்பார்ப்புகளின் காரணமாக, இந்த மாதம் பெரும்பாலான தொழில்துறை உலோகங்களின் விலை சரிந்துள்ளது. ஹார்முஸ் ஜலசந்தி மூடப்பட்டதால் உலகளாவிய விநியோகத்தில் சுமார் 9% சரிந்துள்ளது. ஆனால் அலுமினியம் விலை மட்டும் தொடர்ந்து அதிகரித்து வருகிறது.

அலுமினியத்தைப் பொறுத்தவரை, ஈரான் போரினால் விநியோகம் தடைபட்டதைத் தொடர்ந்து, ஜப்பானிய வாங்குபவர்கள் கடந்த 11 ஆண்டுகளில் இல்லாத அளவுக்கு அதிகபட்ச பிரீமியத்தைச் செலுத்த ஒப்புக்கொண்டனர். இந்தச் செலவு, அந்த உலோகத்தைப் பயன்படுத்தும் தொழிற்சாலைகளில் பணவீக்க அழுத்தத்தை ஏற்படுத்தும்.

சீன செப்புத் தேவையின் மீட்சியின் அளவையும் முதலீட்டாளர்கள் கண்காணித்து வருகின்றனர். விலைச் சரிவு, உலோகம் தயாரிக்கும் நிறுவனங்களிடமிருந்து வரும் ஆர்டர்களை அதிகரித்துள்ளது. மேலும், வாரத்தின் தொடக்கத்தில் கையிருப்பு இந்த ஆண்டின் மிகப்பெரிய சரிவைப் பதிவு செய்தது.

லண்டன் உலோகப் பரிவர்த்தனை நிலையத்தில் ஒரு டன் செம்பு 0.7% உயர்ந்து $12,227.50 ஆக இருந்தது. இது வாராந்திர அடிப்படையில் 2.5% ஆதாயமாகும். அலுமினியத்தின் விலை மாற்றமின்றி இருந்தது. ஆனால் வாராந்திர அடிப்படையில் 1.7% அதிகரிப்பை நோக்கிச் செல்கிறது. சிங்கப்பூரில் இரும்புத் தாது 0.6% சரிந்து ஒரு டன் $105.75 ஆக இருந்தது. இது ஐந்து ஆண்டுகளில் முதல் வாராந்திர சரிவைச் சந்திக்கத் தயாராக உள்ளது.

இந்தியாவில் எரிபொருள் விலை குறித்து பொதுமக்கள் இடையே எழுந...

அமெரிக்காவின் பிடியிலிருந்தும், ஈரானின் மிரட்டலில் இருந்த...