செயற்கை நுண்ணறிவு (AI) தொழில்நுட்பத்தின் தந்தை என அழைக்கப்படும் ஜெஃப்ரி ஹிண்டன் (Geoffrey Hinton), 2026-ம் ஆண்டு வேலைவாய்ப்பு சந்தையில் ஏற்படப்போகும் மிகப்பெரிய மாற்றம் குறித்து அதிர்ச்சிகரமான எச்சரிக்கை ஒன்றை விடுத்துள்ளார். ஏஐ தொழில்நுட்பம் மனிதர்களின் மூளையைப் பயன்படுத்திச் செய்யும் வேலைகளைத் தின்று தீர்க்கும் என அவர் தெரிவித்துள்ளார். ஏற்கனவே 2025-ம் ஆண்டு ஏஐ தொழில்நுட்பத்தில் ஒரு திருப்புமுனை ஆண்டாக இருந்த நிலையில், 2026-ல் இது இன்னும் தீவிரமடையும் என அவர் சுட்டிக்காட்டியுள்ளார்.
ஐடி மற்றும் ஒயிட் காலர் வேலைகளுக்கு உருவாகும் நெருக்கடி
கால் சென்டர் மற்றும் வாடிக்கையாளர் சேவைத் துறைகளில் ஏற்கனவே மனிதர்களுக்குப் பதிலாக ஏஐ இயந்திரங்கள் அமர்த்தப்பட்டுவிட்டன. குறிப்பாக, மென்பொருள் பொறியாளர்கள் பல மாதங்கள் உழைத்துச் செய்யும் கோடிங் வேலைகளை ஏஐ தொழில்நுட்பம் தற்போது சில நாட்களிலேயே முடித்துவிடுகிறது. அலுவலக ரீதியாக மூளையைப் பயன்படுத்திச் செய்யப்படும் நிர்வாக மற்றும் கணக்கீடு சார்ந்த ‘ஒயிட் காலர்’ வேலைகள் வரும் ஆண்டுகளில் அதிக அளவில் பறிபோகும் அபாயம் உள்ளதாக ஹிண்டன் கூறுகிறார்.
மனித மூளைக்கு மாற்றாக மாறும் ஏஐ தொழில்நுட்பம்
தொழிற்புரட்சி எப்படி மனிதர்களின் உடல் உழைப்பைக் குறைத்ததோ, அதேபோல ஏஐ தொழில்நுட்பம் மனிதர்களின் சிந்திக்கும் திறனுக்கான தேவையை வெகுவாகக் குறைத்து வருகிறது. நிறுவனங்கள் ஊழியர்களைப் பணிநீக்கம் செய்துவிட்டு ஏஐ-ஐப் பயன்படுத்துவதன் மூலம் தங்கள் லாபத்தை அதிகரிக்கின்றன, ஆனால் இது லட்சக்கணக்கானவர்களின் வாழ்வாதாரத்தைப் பாதிக்கும். இந்த வேகமான மாற்றத்திற்குத் தகவமைத்துக் கொள்ளாத ஊழியர்கள் எதிர்காலத்தில் பெரும் சவால்களைச் சந்திக்க நேரிடும் என்பது வல்லுநர்களின் கவலையாக உள்ளது.
2026-ல் வேலைவாய்ப்புகளுக்கு பெரும் ஆபத்து: ‘ஏஐ காட்ஃபாதர்’ ஜெஃப்ரி ஹிண்டன் எச்சரிக்கை!
