மத்திய அரசு ஊழியர்கள் மற்றும் ஓய்வூதியதாரர்களுக்கான 8-வது சம்பள கமிஷன் குறித்த எதிர்பார்ப்புகள் அதிகரித்துள்ளன. 7-வது சம்பள கமிஷனின் காலம் முடிவடைந்து, 2026 ஜனவரி 1 முதல் புதிய சம்பள விகிதங்கள் அமலுக்கு வர வேண்டும். புதிய சம்பளத்தை நிர்ணயிப்பதில் ‘ஃபிட்மென்ட் ஃபேக்டர்’ (Fitment Factor) மிக முக்கிய பங்கு வகிக்கிறது. இது 2.15 ஆக இருக்கலாம் என எதிர்பார்க்கப்படுவதால், ஆரம்ப நிலை ஊழியர்களின் சம்பளம் ரூ.18,000-லிருந்து ரூ.38,700 ஆக உயரக்கூடும்.
குரூப் ‘ஏ’ அதிகாரிகளுக்கு ரூ.5 லட்சத்தைத் தாண்டும் புதிய சம்பளம்
கேபினட் செயலாளர் போன்ற மிக உயர்ந்த பதவிகளில் இருக்கும் குரூப் ‘ஏ’ அதிகாரிகள் (லெவல் 18) பெரும் பலன் அடைய உள்ளனர். இவர்களின் தற்போதைய ரூ.2.50 லட்ச அடிப்படைச் சம்பளம், புதிய கமிஷனில் ரூ.5,37,500 வரை உயர வாய்ப்புள்ளது. சம்பள கமிஷன் பரிந்துரைகள் அமலாகத் தாமதமானாலும், 2026 ஜனவரி முதல் உயர்வு கணக்கிடப்பட்டு நிலுவைத் தொகையாக (Arrears) வழங்கப்படும். மேலும், ஆண்டுக்கு இருமுறை வழங்கப்படும் அகவிலைப்படி (DA) உயர்வும் தடையின்றி கிடைக்கும்.
2026-ல் நிர்ணயிக்கப்படவுள்ள ஃபிட்மென்ட் ஃபேக்டர்
2026-ம் ஆண்டிலேயே நாட்டின் நிதி நிலைமை மற்றும் பணவீக்கத்தைக் கருத்தில் கொண்டு ஃபிட்மென்ட் ஃபேக்டர் எண் முடிவு செய்யப்படும் எனத் தெரிகிறது. மத்திய அரசு ஊழியர்களின் இந்தச் சம்பள உயர்வு, மாநில அரசு ஊழியர்களின் சம்பள மாற்றத்திலும் தாக்கத்தை ஏற்படுத்தும் என்பதால் இது ஒட்டுமொத்த அரசுத் துறையிலும் பெரும் எதிர்பார்ப்பை ஏற்படுத்தியுள்ளது.
8-வது சம்பள கமிஷன்: 2026-ல் மத்திய அரசு ஊழியர்களுக்கு சம்பள மழை!
