தொழில்

ஹோட்டல் துறையில் அதானியின் மாஸ்டர் பிளான்: இந்தியா முழுவதும் 60 ஹோட்டல்களைக் கட்டத் திட்டம்!

Dec 30, 2025 • 30 Dec 2025 • 0 Views

இந்தியாவின் முன்னணித் தொழில் குழுமமான அதானி குழுமம் (Adani Group), தற்போது ஹாஸ்பிடாலிட்டி (Hospitality) துறையில் பெரிய அளவில் கால்பதிக்கத் தயாராகி வருகிறது. ஏற்கனவே துறைமுகம், மின்சாரம், சிமெண்ட் எனப் பல்வேறு துறைகளில் ஆதிக்கம் செலுத்தி வரும் அதானி, இப்போது இந்தியா முழுவதும் 60-க்கும் மேற்பட்ட ஹோட்டல்களை உருவாக்கத் திட்டமிட்டுள்ளார். இந்த ஹோட்டல்கள் பெரும்பாலும் அதானி நிர்வகிக்கும் விமான நிலையங்களுக்கு அருகிலேயே அமைக்கப்பட்டு, ஒரு ஒருங்கிணைந்த வர்த்தக மையமாக மாற்றப்படும்.

நிர்வாகச் சிக்கல்களைத் தவிர்க்க அதானியின் ‘அசெட் ஓனர்’ மாடல்
ஹோட்டல் துறையில் தினசரி நிர்வாகப் பணிகள் மற்றும் பராமரிப்புச் செலவுகள் அதிகம் என்பதால், அதானி குழுமம் ‘அசெட் ஓனர்’ (Asset-Owner) எனும் புத்திசாலித்தனமான வணிக உத்தியைக் கையாள உள்ளது. இதன்படி, அதானி குழுமம் நிலத்தை வாங்கி ஹோட்டல்களைக் கட்டி அதன் உரிமையாளராக மட்டுமே இருக்கும். ஆனால், அந்த ஹோட்டல்களை இயக்கும் பொறுப்பு மேரியாட் (Marriott) அல்லது வெஸ்டின் (Westin) போன்ற சர்வதேசப் புகழ் பெற்ற நிறுவனங்களிடம் ஒப்படைக்கப்படும். இதன் மூலம் அதானி குழுமம் நிலையான வாடகை மற்றும் லாபத்தில் ஒரு பங்கைப் பெறும்.

விமான நிலையங்களை மையப்படுத்திய வளர்ச்சி மற்றும் வருவாய் இலக்கு
இந்தத் திட்டங்கள் அனைத்தும் அதானி ஏர்போர்ட் ஹோல்டிங்ஸ் லிமிடெட் மூலம் செயல்படுத்தப்படும். குறிப்பாக நவி மும்பையில் அமையுள்ள புதிய சர்வதேச விமான நிலையத்தைச் சுற்றி மட்டும் சுமார் 15 ஹோட்டல்களை உருவாக்கத் திட்டமிடப்பட்டுள்ளது. விமான நிலையங்களில் விமானக் கட்டணம் தவிர்த்து, ஹோட்டல்கள் மூலம் கிடைக்கும் வருவாயை (Non-aeronautical revenue) அதிகரிக்க இந்த முயற்சி உதவும். மேலும், சஹாரா குழுமத்திற்குச் சொந்தமான சில ஹோட்டல் சொத்துக்களையும் வாங்க அதானி குழுமம் திட்டமிட்டு வருவது குறிப்பிடத்தக்கது.

வருமாவரித்துறையின் புதிய அதிகாரம்: இமெயில் மற்றும் சமூக வ...

ஜிமெயில் பயனர்களுக்கு குட் நியூஸ்: டேட்டா அழியாமல் மின்னஞ...